Se dallimi i madh në moshë nuk është pengesë për dashurinë e vërtetë, e dëshmojnë yje të shumta të cilët me vite të tëra janë në lidhje afatgjate apo të martuar.

Priyanka Chopra dhe Nick Jonas

Priyanka Chopra-Jonas dhe Nick Jonas (Foto: Frazer Harrison/Getty Images/Guliver)

Për dashurinë e Priyanka Chopras dhe burrit të saj 11 vjet më të ri, yllit të muzikës pop, Nick Jonas, ka kohë që po shkruajnë mediat ndërkombëtare. Çifti u martua në dhjetor të vitit 2018 në New Delhi, ndërsa burimet pranë tyre thonë se dallimi në moshë nuk përbën kurrfarë pengese në lidhjen e tyre.

Ryan Reynolds dhe Blake Lively

Blake Lively dhe Ryan Reynolds (Foto: Steven Ferdman/Getty Images/Guliver)

Aktori i famshëm hollivudian, Ryan Reynolds, është i martuar me kolegen e tij, Blake Lively, e cila është 11 vjet më e re se ai. Ata janë të martuar qe shumë vite, ndërsa së fundmi janë bërë prindër për të tretën herë.

George dhe Amal Clooney

George dhe Amal (Foto: Clemens Bilan/Getty Images/Guliver)

George dhe Amal Clooney u martuan në vitin 2014 në Venecia, ndërsa më pas u bënë prindër të binjakëve, Alexander dhe Elle. Ata bëjnë pjesë në grupin e të famshmëve që kanë dallim të madh në moshë. Aktori hollivudian është 17 vjet më i moshuar se avokatja e bukur.

Jay-Z dhe Beyonce Knowles

Jay Z dhe Beyonce Knowles-Carter (Foto: Gareth Cattermole/Getty Images for Disney/Guliver)

Dy këngëtarët, Jay-Z dhe Beyonce, janë një prej çifteve më të fuqishme në industrinë muzikore, ndërsa janë edhe një tjetër dëshmi se dallimi në moshë nuk mund të jetë pengesë për lumturinë. Reperi është 12 vjet më i moshuar se diva e muzikës pop.

Jason Statham dhe Rosie Huntington-Whiteley

Jason Statham dhe Rosie Huntington-Whiteley (Foto: Rich Fury/Getty Images/Guliver)

Aktori Jason Statham është 20 vjet më i moshuar se bashkëshortja e tij, modelja dhe aktorja Rosie Huntington-Whiteley, me të cilën është në lidhje që nga viti 2010.

Camila Alves dhe Matthew McConaughey

Matthew McConaughey dhe Camilia Alves (Foto: Theo Wargo/Getty Images/Guliver)

Manekinia dhe dizajnerja e çantave të femrave, Camila Alves, është 13 vjet më e re se aktori hollivudian, Matthew McConaughey, me të cilin është e martuar që nga viti 2013.

Michael Douglas dhe Catherine Zeta-Jones

Catherine Zeta-Jones dhe Michael Douglas (Foto: Charley Gallay/Getty Images for Netflix/Guliver)

Kur flasim për dallimin e madh në moshë, nuk mund të mos mendojmë për Michael Douglas dhe Catherine Zeta-Jones. Diferenca në moshë e çiftit hollivudian është 25 vjet. Aktori më i madh në moshë dhe partnerja e tij janë qe dy dekada të martuar, ndërsa kanë edhe dy fëmijë bashkë.

Harrison Ford dhe Calista Flockhart

Harrison Ford dhe Calista Flockhart (Foto: Frazer Harrison/Getty Images/Guliver)

Aktori i famshëm, Harrison Ford, është i martuar me Calista Flockhart, e cila është 22 vjet më e re se ai.

Megan Fox dhe Brian Austin Green

Megan Fox dhe Brian Austin Green (Foto: Jonathan Leibson/Getty Images for Ferrari North America/Guliver)

Aktorja e bukur, Megan Fox, është 13 vjet më e re se bashkëshorti i saj, aktori Brian Austin Green.

Hugh Jackman dhe Deborra Lee-Furness

Hugh Jackman dhe Deborra-lee Furness (Foto: Kevin Winter/Getty Images/Guliver)

Aktorja australiane, Deborra Lee-Furness, është gruaja e yllit të famshëm, Hugh Jackman, nga i cili është 13 vjet më e moshuar. /Telegrafi/